Plantun de Prouvènço

Pèr coumpara dos planto d'encò nostre

Panicum miliaceum subsp. ruderale & Raphanus raphanistrum subsp. landra

fotò
fotò
Mi-menut

Panicum miliaceum subsp. ruderale

Poaceae Graminaceae

Àutri noum : Mi-blanc, Pichot-mi, Mi, Panisso.

Noms en français : Millet, Millet d'Inde.

Descripcioun :
Aquest mi-menut "fèr" trachis dins li champ cultiva e en ribo d'aigo. Soun enflourejado èi clinado e porto de "gròssis" espigueto (en couparesoun emé lou mi-prim) de 4 à 5,5 mm . Li guèno di fueio soun peréu proun pelouso. Au contro de la meno cultivado, subsp. miliaceum, pèr la fèro, lis espigueto toumbon rapidamen e rèston pas pourtado pèr la planto.

Usanço :
Lou mi-menut "fèr" sèmblo d'óurigino recènto que vendrié dóu mi-nenut cultiva que sarrié retourna vers uno formo pu sóuvajo. De tout segur li grano soun manjadisso, es uno planto interessanto d'un poun de vist dieteti.

Port : Grando erbo
Taio : 0,4 à 1,2 m
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Panicum
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 20 à 30 cm
Flourido : Estiéu - Autouno

Sòu : Ca
Autour basso e auto : 0 à 400 m
Aparado : Noun
Juliet à óutobre

Liò : Champ - Ribiero
Estànci : Mesoumediterran à Coulinen
Couroulougi : Óurigino Asìo
Ref. sc. : Panicum miliaceum subsp. ruderale (Kitag.) Tzvelev, 1968

fotò
fotò
Ravanello

Raphanus raphanistrum subsp. landra

Brassicaceae Cruciferae

Àutri noum : Ravanasso, Ravaniscle, Rafanello, Ravanet.

Noms en français : Radis maritime, Radis sauvage.

Descripcioun :
La ravanello èi lou cousin fèr di rais-fort. Trachis dins lis ermas, en ribo de camin e peréu proche de la mar. Se recounèis à si petalo que s'estrechon (à ounglet), si fueio pelouso coumpausado de 2 à 8 paréu de tros prefound e subretout à si fru acaba emé un bè, ço que lou destrìo dóu gènre proche Brassica. Coumpara emé la subsp. raphanistrum que ié sèmblo.

Usanço :
Tout èi manjadis dins la ravanello. Li flour e li jóuini fueio en ensalado, li fueio mai vièio (mai pas trop que pièi soun amaro), cuecho, li jóuini fru peréu. Se fai uno meno de moustardo emé li grano que se manjon peréu greia.

Port : Grando erbo
Taio : 15 à 80 (100) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Raphanus
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto de coustiero
Mai à setèmbre

Liò : Ribiero - Mar - Champ - Camin
Estànci : Termoumediterran à Mesoumediterran
Couroulougi : Mediterrano-atlantico
Ref. sc. : Raphanus raphanistrum subsp. landra (Moretti ex DC.) Bonnier & Layens, 1894

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
R
C
R
CC
CC
RR
ges
ges

Panicum miliaceum subsp. ruderale & Raphanus raphanistrum subsp. landra

R
ges
RR
RR
RR
ges
ges
ges

Coumpara Mi-menut emé uno autro planto

fotò

Coumpara Ravanello emé uno autro planto

fotò